Bakıda toyda dəhşət: 32 nəfər xəstəxanalıq oldu [xfgiven_qirmizi] [/xfgiven_qirmizi]
Bu gecə paytaxt Bakıda kütləvi zəhərlənmə hadisəsi baş verib.
Zəhərlənmənin Venesiya şadlıq sarayında olduğu bildirilir.
TƏBİB-dən verilən məlumata görə hadisə zamanı 32 nəfərin zəhərlənmə faktı qeydə alınıb.
"Aprelin 19-da 32 nəfər (23 qadın cinsli, 9 kişi cinsli) dəqiqləşdirilməmiş bakterial qida zəhərlənməsi diaqnozu ilə Kliniki Tibbi Mərkəzin (KTM) Təcili və təxirəsalınmaz tibbi yardım şöbəsinə yerləşdirilib".
Bu barədə KTM-in Mətbuat Xidmətinin rəhbəri Ruzbeh Məmməd məlumat verib.
O bildirib ki, dərhal xəstələrə tibbi xidmətlər göstərilib, mədələri yuyulub, infeksionist baxışı olub:
"Zəruri tibbi xidmətlərdən sonra onların hər biri evə buraxılıb".
