Hörmətli həmvətənlər!

Milli və mənəvi dəyərlərimizdə xüsusi yeri olan Ramazan Bayramı münasibətilə sizi ürəkdən təbrik edirəm! Bu müqəddəs bayram insanları mərhəmətə, yardımlaşmaya, mənəvi saflığa və birliyə çağırır. Ramazan ayı boyunca tutulan oruclar, edilən dualar və göstərilən xeyirxah əməllər insan qəlbini paklaşdırır, cəmiyyətimizi daha da möhkəmləndirir.

Müsəlman dünyasında Ramazan Bayramı həm də paylaşmağın, ehtiyacı olan insanlara yardım etməyin simvoludur. Azərbaycan xalqı hər zaman xeyirxahlığı, humanizmi və milli həmrəyliyi ilə seçilib. Biz bu müqəddəs bayramı müstəqil və güclü dövlətimizin bayrağı altında böyük qürur və sevinc hissi ilə qeyd edirik.

Prezident İlham Əliyevin rəhbərliyi ilə ölkəmizdə milli-mənəvi dəyərlərə göstərilən yüksək diqqət və qayğı, eləcə də sosial rifahın gücləndirilməsi istiqamətində həyata keçirilən siyasət Ramazan Bayramının ruhuna uyğun olaraq cəmiyyətimizdə həmrəyliyin və insana qayğının artmasına xidmət edir. Xüsusilə, şəhid ailələri, qazilərimiz, aztəminatlı ailələr və qayğıya ehtiyacı olan insanlar daim dövlətimizin diqqətindədir və bu, xalqımızın böyüklüyünün, humanizm prinsiplərinə sadiqliyinin bariz nümunəsidir.

Bu bayram günlərində xalqımıza firavanlıq, xoşbəxtlik, evlərinizə ruzi-bərəkət, ailələrinizə sevgi və mehribanlıq arzulayıram. Qoy, dualarınız qəbul olunsun, Ramazan Bayramı hər birinizə uğur və sevinc gətirsin. Bayramınız mübarək!

pressmedia.info rəhbərliyi və kollektivi adından dərin hörmətlə təbrik edirik!